12/08/2004

12_8_04

12/8/2004. Esta ye la tira más especial de toles que fixi. La nueche del 11 d’agosto del 2004 finó mio padre. Nunca fallé na entrega d’una tira, y, daes les circunstancies, bien pensé qu’esta vez diba ser la primera; pero decatéme nel intre qu’eso diba ser un error. Mio padre tenía munches virtúes, y ente elles destacaba un gran sentíu del humor. Al traviés del humor, él y yo siempre mos comuniquemos más y meyor que de cualquier otra manera, y d’él deprendí que l’humor puede ser la meyor ferramienta pa entender la vida. Camiento qu’ehí se crió tamién el mio propiu sentíu del humor, col qu’interpreto les coses y que dexo nes mios tires. Por eso, en cierta manera, esti trabayu pertenez-y a él tanto como a mi. Nun tenía meyor forma de face-y un bon homenaxe que con una tira de prensa. Esa mesma nueche dibuxé-y esta, que fala de lo que mio padre quería que fixéremos tres de la so fin.

Author: Igor

Share This Post On