2/7/2001

02_07_01

2/7/2001. El 2001 foi l’añu nel que la tira pegó’l cambeo definitivu, algamando’l puntu gráficu que conocemos agora. L’usu de la primer viñeta tradicional, con títulu, rima y dibuxín, facía percomplicáu el repartu del espaciu de les demás viñetes, que, especialmente cuando nun había testu, quedaben estiraes en vertical, desaprovechándose espaciu. Reordené la composición, acurtiando la vertical de les viñetes al tamañu estándar americanu, más cuadráu y compensáu, y utilizando la tirina d’espaciu superior que sobraba pa poner el títulu, el dibuxín y la firma. Nel fondo sabía que, si la tira aguantaba, la rima taba condenada a desaparecer: cenciellamente, acabaría coles palabres terminaes en -ón. Siempre me pareció que tomé la decisión correcta, y la nueva composición funciona tan bien como’l primer día.

Author: Igor

Share This Post On

Submit a Comment

Tu dirección de correo electrónico no será publicada. Los campos obligatorios están marcados con *