La familia Castañon visita la redacción

01_09_00

1/9/2000. Primer páxina de la Familia Castañón. Conozse qu’había espaciu disponible nel postrer suplementu del añu 2000, y ofreciéronme la posibilidá d’usar una páxina completa, cosa qu’acepté guapamente. Parezme recordar que, de mano, los redactores pensaben que fixere tres o cuatro tires siguíes, una enriba d’otra. Un día que pasé pela redacción a media tarde pa entregar la tira y atopé tou aquel fervedoriu de xente, pensé que podía tar guapo facer una viñeta grande na que los Castañones invadieren aquel espaciu, añediéndo-y entá más llocura y baturiciu. Asina lo fixi, aprovechando la ocasión pa retratar los mios compañeros periodistas. Tol personal que parez retratao ye real, y namás me quedó la decepción de tener que dexar dalgunos compañeros fuera por motivos d’espaciu, colos que me disculpo otra vez más.

Author: Igor

Share This Post On

Submit a Comment

Tu dirección de correo electrónico no será publicada. Los campos obligatorios están marcados con *